Memia chaud n’è betg bun per ils avieuls

Ils avieuls na dorman betg l’enviern. Cura ch’i vegn fraid sa ruschnan els ensemen e furman ina rucla.

Pievel d'avieuls vid ina planta. Bild in Lightbox öffnen.

Legenda da maletgs: Pievel d'avieul che tegna chaud a la regina. Dreamstime

Amez questa rucla tegnan els ina temperatura da ca. 20 grads per far chaud a la regina. Ils avieuls fan chaud cun vibrar la musculatura da las alas.
Ma sch’i fa bun‘aura po quai esser in problem per in pievel. Pli chaud ch’i fa e pli activs ch’ils avieuls èn, vul dir els cumenzan a sgular, declera il president da l’uniun grischuna dals apiculturs Andreas Pfister. Quai n`è betg anc nausch perquai ch’els pon era sa svidar.

Cun il chauld vegn la regina activa

Sch’i fa dentant bun’aura durant in temp pli lung vegn la regina activa; ed alura ston ils avieuls tegnair temperaturas da ca. 35 grads enturn ella. Ella metta alura ovs. Perquai sto l’apicultur controllar ses pievels e guardar ch’els hajan era avunda pavel. Sch’ils avieuls èn memia activs il favrer ubain il mars èsi era difficil da cumbatter la varroa. Tenor Andreas Pfister fissi bun sch’els (ed era ils parasits !) avessan in temp da ruassar da dus fin trais mais. Alura pudess l’apicultur tractar els e reducir questa malsogna.

L'avieul faszinescha

Il film documentar da l'onn 2013 «per amur da l'avieul» n'è betg in film davart la mort globala dals avieuls. Flurina Badel focusescha in'autra realitad precis uschè existenta: Il mintgadi d'apiculturs pitschens. Il film è in omagi a quels pitschens apiculturs ed a quellas pitschnas apiculturas che na s'engaschan betg ord motivs commerzials, mabain ord raschuns idealas.

Fascinaziun avieul

La lavur d'in apicultur durant in onn. Ina rimnada da contribuziuns da l'onn 2009.

Minisguard: Ord il lexicon per noss pitschens

En cumparegliaziun cun in uman na viva in avieul betg ditg. Mo en questa curta vita ha l’avieul bleras differentas plazzas da lavur e fa carriera.