Siglir tar il cuntegn

Header

cuntegn

Surselva Mez temp tar San Gottardo 2020 – ina bilantscha

Il project San Gottardo 2020 a per finamira da sustegnair il svilup da la regiun enturn il Gottard. Durant la davosa perioda da planisaziun 2012-2015 èn stats a disposiziun rodund 85 milliuns francs da vischnancas, chantuns e stadi.

audio
Bunura: project Gottardo 2020 - nua vegn investì?
ord Actualitad dals 19.01.2016.
laschar ir. Durada: 3 minutas 12 Secundas.

La finamira da San Gottardo 2020 è da promover ideas per purschidas turisticas sco era l'infrastructura en quellas regiuns. Ils 85 milliuns francs che stattan a disposiziun per quella promoziun vegnan dals 4 chantuns involvai e dal stadi.

Colliaziun Andermatt – Sedrun

Il pli grond project è la sustegnì fin qua è la colliaziun da las pendicularas d'Andermatt cun Sedrun. 48 milliuns francs ha la Andermatt-Sedrun Sport SA survegnì per bajegiar l'infrastructura necessaria per quella colliaziun.

San Gottardo 2020 (PSG)

Avrir la box Serrar la box

Il PSG è in project communabel dals chantuns Uri, Tessin, Valais e Grischun. El è in instrument da regiosuisse, la nova politica regiunala da la Svizra, che ha per finamira da promover il svilup economic da regiuns periferas. PSG na realisescha betg projects, las cumpetenzas-clav èn iniziar, coordinar e pussibilitar projects da terzas persunas.

40 milliuns francs dal stadi en furma d’in emprest senza tschains. 5 milliuns francs èn dal chantun Uri e 3 milliuns francs dal chantun Grischun, e quai a fond perdu. Tenor il manader da l’uffizi per economia e turissem dal Grischun Eugen Arpagaus, es i giustifitgà d'investir ina tala summa en quai project. Quel haja ina fitg gronda muntada per l’entira Surselva.

57 projects pitschens

Ultra da quai grond project èn era vegnidas analisadas 57 ideas da projects entras ils collavuraturs dal Program San Gottardo 2020. Da quellas ideas èn 26 vegnidas elegidas per survegnir sustegn. Projects pli pitschens, che han tuts sco finamira principala da mantegnair ni generar plazzas da lavur ella regiun. Qaui èn projects sco p.ex. in chaschiel cul num San Gottardo, in program d'impuls per la hotellaria ni era lantschar la cursa da velos Granfondo San Gottardo (ina cursa che va sur ils pass Nufenen, Furca e Gottard).

Agid per gidar sasez

La finamira dal program San Gottardo 2020 è tenor il manader dal program Dieter Bogner, d’accumpagnar ils iniziants dals projects sco coach. Els na realiseschian betg sez projects, els possian mo dar agid per gidar sasez. Tut tenor il project en furma da contacts, cun dar sustegn da realisar in plan da fatschenta ni era cun surprender ils custs per ils emprims scleriments ni las emprimas investiziuns.

Artitgels legids il pli savens