Nicole Schneider ha 26 onns e lavura dapi trais onns sco logopeda en Surselva. Ella surpiglia la direcziun dal servetsch a partir da l'emprim d'avust 2018.
La manadra partenta, Lucia Lechmann Carigiet è leda ch'igl è reussi da chattar ina soluziun interna per sia successiun. Nicole Schneider enconuschia bain il servetsch e sias structuras sco era las circumstanzas e cundiziuns da lavur e l'entir team da la regiun, uschia Lucia Lechmann Carigiet. Cun sia savida dal fatg, sco persunalitad communicativa che saja s'integrada fitg bain en Surselva e cun ses talent d'organisar adempleschia ella fitg bain las premissas per manar il servetsch logopedic.
Lucia Lechmann Carigiet ch'è engaschada dapi il 2000 sco logopeda ha manà il Servetsch logopedic Surselva (SLS) dapi il 2008. A partir dal nov onn da scola vegn ella a sa deditgar cumplainamain a la lavur terapeutica e resta uschia vinavant fidaivla al SLS sco logopeda.
RR novitads 10:00