Tenor quest studi pon ins quintar ch’i è a Mustér l’onn 2060 uschè chaud sco ozendi a Cuera. Quai munta dentant era, ch’i vegn a dar naiv mo sur 1’400 meters. Tut las investiziuns che vegnan fatgas uss en indriz d’ennavar u en pendicularas, ston atgnamain vegnir ponderadas tenor ils novs criteris da quest studi. Urs Giezendanner, il promotur d’economia Surselva, manegia, ch’era il chantun vegni a mirar en l’avegnir sche las investiziuns hajan resguardà quest studi.
Era vesair il positiv
La coordinatura da quest studi, Sarah Achermann da la firma seecon gmbh, vesa era schanzas en connex cun la midada dal clima. Ella di ch’i vegni era en l’avegnir ad esser pli frestg en Surselva ch’ella Bassa. La Bassa vegnia a patir da chaliras pervi da la midada dal clima. Quai saja da nizzegiar, las ponderaziuns stoppian dentant entschaiver gia ussa.
RR novitads 06:00