Siglir tar il cuntegn

Header

cuntegn

Midada il matg 2024 Hotel Seehof a Laax è en novs mauns

Dapi passa 60 onns mainia la famiglia Ardüser l'hotel Seehof, scriva Peter Ardüser en ina communicaziun a las medias. Uss dettia ella l'hotel en novs mauns.

Ils novs possessurs sajan Franz Gschwend, Ueli Grand e Moritz Wilhelm Müssig. Els vegnian a manar vinavant l'hotel en il «stil cumprovà», pia che l'ustaria restia «canorta per la populaziun indigena».

Enfin la primavaira vegnia la famiglia Ardüser e ses team a manar l'ustaria e l'hotel sco usità. Ils novs possessurs vegnian a reavrir l'hotel la stad 2024 suenter intginas lavurs. Ils novs possessurs hajan ina stretga relaziun cun Laax e cun la gastronomia.

Besitzer Hotel Seehof
Legenda: Clara Ardüser-Derungs, Peter Ardüser, Franz Gschwend, Moritz Wilhelm Müssig ed Ueli Grand Peter Ardüser

Sco Peter Ardüser scriva en la communicaziun, saja la famiglia dapi 1974 en possess da l'hotel. La chasa saja in manaschi da tradiziun che saja vegnida averta gia l'onn 1880.

RTR novitads 12:00

Artitgels legids il pli savens