Siglir tar il cuntegn

Header

audio
Marcus Michel daventa profi cun chaun da salvament
Or da Actualitad dals 10.01.2022.
abspielen. Laufzeit 3 minutas 51 Sekunden.
cuntegn

Midadas Far ord la passiun la professiun

Il chaun da Marcus Michel è ina impurtanta part da sia vita. Dressar ses chaun quai plascha bain a l’um da 54 onns, uschè bain ch’el schlia sia stizun da sport e metta tut sin la charta scolaziun da chauns.

Vegnì sin quai è Marcus Michel da Trun, perquai ch’el haja adina ditg che suenter 10 onns na veglia el betg pli lavurar intensiv cun ses chaun Joya, in chaun dal raz Golden Redriver. Questa limita haja ses chaun cuntanschì e perquai eri temp da far ina midada. Perquai saja el sa decis da cumprar in nov chaun, ma era gist da schliar sia stizun da sport da muntogna.

Manader da la scolaziun da chauns

Dapi passa 20 onns è Marcus Michel fascinà da lavurar cun chauns. Surtut da vesair co ils chauns pon emprender e pon alura far chaussas, sco per exempel chattar ina persuna sut la naiv, quai saja fascinant ed adina era motivaziun, di Michel. Alura saja la plazza sco responsabel da salvament da muntogna en il sectur da chauns stada scritta ora, ed el saja s’annunzià. La finala haja el survegnì quella plazza en cooperaziun cun in'autra persuna. Quai munta dentant che Marcus Michel sto en futur viagiar per l’entira Svizra enturn per dar quests curs, ma tuttina possia el era far lavur da chasa anora, di Marcus Michel. Endemnisà vegnia el sulet per il temp ch’el saja u activ en acziun u activ vida dar curs, quai na saja pia betg ina plazza da biro u sumegliant, di l’um da Trun.

Liquidar il material da stizun

Per el saja il dretg mument da far uss quai pass, di Marcus Michel. El sentia ch’il temp da scolaziun e da lavur cun ses agen chaun, ma era cun auters chauns, dettia in'enorma satisfacziun ad el e la stizun forsa betg pli propi. Perquai saja era temp da liquidar quella. Il temp actual saja bun, perquai ch'il mument dettia ina mancanza da material da muntogna, uschia ch’el possia vender ses inventari probablamain senza problem, di Marcus Michel.

RTR actualitad 08:00

Artitgels legids il pli savens

Scrollar a sanestra Scrollar a dretga