Siglir tar il cuntegn

Header

cuntegn

Surselva Mo 20 enstagl 40 rodas da vent per il parc da vent Surselva

Era in parc da vent reducì na vegn betg acceptà da la IG Sezner Um Su Grenerberg.

Altaventa, l'inizianta dal parc da vent Surselva ha reducì il parc da vent sin ussa mo 20 rodas da vent enstagl da 40. Las 20 rodas en dentant da pli gronda dimensiun, ins discurra d'ina dimensiun sco la roda da vent existenta a Cuira Haldenstein. Quai ha Andy Imfeld, il possessur da Altaventa, ditg a Radiotelevisiun Svizra Rumantscha.

In culm cun rodas da vent, colliadas cun ina via.
Legenda: Da quests maletgs da cuntradas devastadas sco en auters pajais na vul la gruppa d’interess betg en Surselva. RTR, L. Livers

Per la Gruppa d’interess Sezner Um Su Grenerberg na mida quai nagut. A lur radunanza generala ha la gruppa proclamà da cuntinuar il cumbat encunter il parc da vent. Quai era sch'i dess mo ina roda da vent, sco il president Gaudenz Alig ha ditg ad RTR.

audio
Bunura: Il pli gugent naginas rodas da vent vulan ils adversaris dal parc da vent Surselva
ord Actualitad dals 08.08.2015.
laschar ir. Durada: 3 minutas 2 Secundas.

Artitgels legids il pli savens