Planisà e construì quai bajetg han ils architects Vincenz e Weishaupt da Glion. Il bajetg premià da Glion producescha 238% energia, vul dir 138% dapli che quai ch'il bajetg dovra sez.
Il bajetg da Glion ha gudagnà encunter 52 auters projects ord differents pajais da l’entir' Europa. La surdada dal premi è ils 23 da november a Prag.
La Svizra sin il podest
Sper la firma da Glion èn anc 2 auters projects svizzers vegnids premiads cun il premi europeic da solar: ina chasa da 4 famiglias ad Oberenstringen e l'emprim excavatur che funcziuna cun solar da la firma Markus Affentranger da Luzern Altbüron.