Mintgamai la gievgia lavuran tschintg persunas en la mostaria a Glion. La clientella che porta la puma vegn davent da Sumvitg enfin Trin. Mo intginas uras suenter che la puma è deponida avant la mostaria è quella gia elavurada. Il most vegn pastorisà e pachetà en chartuns da tschintg u 10 liters.
audio
Mostaria a Glion producescha tut a dubel
ord Actualitad dals 10.10.2020.
laschar ir. Durada: 2 minutas 35 Secundas.
Stagiun auta
Durant l’entira stagiun vegn producì a Glion passa 40’000 liters most. La stagiun cumenza l'avust ed vegn terminada vers la fin d’october. Tenor il mainafatschenta da la mostaria Glion, Ueli Giger, è quest onn è stà in bun onn per la pumera. La racolta saja stada buna però betg da record.