Siglir tar il cuntegn

Header

cuntegn

Surselva MRS - nova exposiziun, nova manadra, novs impuls

Fin uss duvravi per il manaschi ordinari dal Museum Regiunal Surselva (MRS) var 220'000 francs per onn. Uss duvrassi dentant var 40’000 francs dapli.

Il president da la fundaziun MRS Leo Cathomas è vinavant a la tschertga da daners. Ina moda da recaltgar dapli daners, èn las exposiziuns extraordinarias ch'il museum regiunal fa. La nova exposiziun che tracta la citad da Glion duai daventar ina success per finanziar il museum.

Purtret da Claudia Pfister
Legenda: La nova manadra dal Museum Regiunal Surselva, Claudia Pfister RTR, L. Livers

Per novs impuls duai era la nova manadra dal museum Claudia Pfister procurar. Ella ha cumenzà ses uffizi avant in mais, ed è ussa ensemen cun la curatura Marianne Fischbacher vid planisar la nova exposiziun.

I vegn a dar surpraisas en questa exposiziun, figuras istoricas ch'accumpognan ils visitaders, lura ils artefacts che vegnan exponi sco cartas veglias da la citad da Glion, e sche pussaivel vegn era la porta veglia da la citad da Glion exponida en il museum. Dapli detagls n'èn anc betg enconuschents, perquai che l’exposiziun è anc en planisaziun.

audio
Bunura: Nova exposiziun duai purtar daners al Museum Regiunal Surselva
ord Actualitad dals 22.04.2015.
laschar ir. Durada: 3 minutas 19 Secundas.

Artitgels legids il pli savens