Siglir tar il cuntegn

Header

Alexa Giger (sen.) e Justina Simeon, presidenta da la Fundaziun Cuort Ligia Grischa.
Legenda: Alexa Giger (san.) e Justina Simeon, presidenta da la Fundaziun Cuort Ligia Grischa. RTR, Hubert Giger
cuntegn

Museum Cuort Ligia Grischa Alexa Giger ha creà il med d’instrucziun Alois Carigiet

Il med d’instrucziun è fatg per scolaras e scolars da la 4. fin 6. primara. La finamira è ch’els sa fatschentan cun la vita e l’ovra dal pictur-artist da Trun.

audio
Sviluppà med d'instrucziun davart Alois Carigiet e ses art
aus Actualitad vom 23.11.2021.
abspielen. Laufzeit 2 minutas 55 Sekunden.

Alexa Giger vul intimar ils uffants da contemplar l’art, ils maletgs. Ins duess mirar exact, dretg, sanester, sisum, giudim e sa dumandar, tge ves jau. Per ex. cun sa fatschentar cun il maletg dals Trais Sontgs Retgs. Là pudessan scolaras e scolars descriver ed analisar las colurs, il musters ed ornaments ubain la vestgadira.

Ils trais retgs en il Museum Sursilvan Cuort Ligia Grischa
Legenda: Ils trais retgs en il Museum Sursilvan Cuort Ligia Grischa RTR, Hubert

Il med d’instrucziun cuntegn 14 lecziuns cun trais parts: il commentari, ils fegls da lavur ed il material illustrativ. Per ils uffants haja quai bler material sco films u audiotecas, di Giger. Er ella ch'è oriunda da Surrein e lavura tar il Museum d’art dal Grischun a Cuira sco intermediatura d’art enconuscha il renumà pictur-artist Alois Carigiet gia dapi ch’ella era buoba.

Jau sun creschida si cun ils cudeschs da maletgs dad Alois Carigiet, e nus avevan grond tschaffen, cura che nus avevan els ch’eran signads originalmain.
Autur: Alexa Giger Intermediatura d'art

Il med d’instrucziun Alois Carigiet è vegnì stampà en 200 exemplars tudestgs e 100 rumantschs. Las ovras che vegnan tractadas en quel derivan surtut dal legat Walter e Gertrud Gartmann-Köppel. Cumprar pon ins il med d’instrucziun tar il Museum Sursilvan Cuort Ligia Grischa a Trun.

RTR actualitad 12:00

Artitgels legids il pli savens

Scrollar a sanestra Scrollar a dretga