Siglir tar il cuntegn

Header

video
L'exposiziun Carigiet en la Cuort Ligia Grischa a Trun
Or da Telesguard dals 20.05.2020.
laschar ir. Durada: 3 minutas 48 Secundas.
cuntegn

Museum Cuort Ligia Grischa «Alois Carigiet e nus – in meister en tuts graus»

La Cuort Ligia Grischa ha survegnì il relasch da Walter e Gertrud Gartmann-Köppel. Uss vegnan las ovras da quest legat preschentadas al public. Ma betg sulet las ovras vegnan preschentadas era l’artist Alois Carigiet duai vegnir pli preschent ad in public pli vast.

Exposiziun curatada da la biadia d’Alois Carigiet

L’artista Felicita Felley è la biadia da l’artist. Per ella èsi stà bel da vegnir anc pli datiers da ses tat. Communabel cun Stephan Witschi curatescha ella l’exposiziun e quai saja stà ina bun'experientscha per ella, di Felicita Felley. A l’entschatta saja stà cler che l’exposiziun dovria in curatur professiunal ed ella haja proponì Stephan Witschi che posseda ina galaria a Turitg ed è era il president da la fundaziun da «Sils Museum» en l’Engiadina. Uschia haja el experientscha era cun museums pli pitschens di Felicita Felley.

L’exposiziun dura fin ils 31 d’october 2020

Il Museum Cuort Ligia Grischa serra mintgamai las portas durant l’enviern. Perquai vegn l’exposiziun era serrada la fin october. Gia a partir da l’entschatta era planisà da far in'exposiziun sur dus onns. Sut las circumstanzas actualas è l’exposiziun vegnida prolungada per in ulteriur onn.

audio
Cuort Ligia Grischa - Exposiziun d'ovras dad Alois Carigiet
ord Actualitad dals 20.05.2020.
laschar ir. Durada: 3 minutas 6 Secundas.

RTR actualitad 17:00

Artitgels legids il pli savens