Dapi il matg 2019 è Ursina Jecklin Tischhauser la curatura dal Museum Regiunal Surselva (MRS). Ella ha lavurà avant var 15 onns per il servetsch archeologic dal Grischun. Là è stà sia spezialitad l'archeologia dal temp mez. Uschia ha ella era emprais d'enconuscher la regiun Surselva.
Emprender rumantsch
Insatge che stat sisum la glista d'Ursina Jecklin è d’emprender rumantsch. Sco quai ch'ella ha detg, saja il linguatg quasi ina part dal museum. Uschia saja per ella indispensabel d'emprender rumantsch.
Ideas
En tut datti 11'000 artefacts ch’igl MRS ha rimnà. Cun quests artefacts san ins adina puspè inscenar da nov il museum. Mo Ursina Jecklin vesa era la pussaivladad d'extender il rimnar sin ils davos decennis. Las mobiglias dals onns sessanta u era automobils ni la mobilitad sco tala sappia esser ina sparta per il museum.
Plaschairs
Dapi la renovaziun è il surchombras dal Museum Regiunal era ina part per exponer. Gest questa stanza fascinescha la nova curatura, pervia da la glisch tut apartia. Mo era la grotta da cristallins plascha fitg bain ad ella. Era questa grotta ha survegnì ina nova inscenaziun pervia da la nova illuminaziun.
RR actualitad 07:00