Surselva - Museum Regiunal Surselva – I dovra ils fauturs

1 / 3

Legenda: La fatschada sid cun l'entrada dal Museum Regiunal Surselva en la citad veglia da Glion. RTR, Linus Livers

2 / 3

Legenda: Senza l'associaziun da fauturs na dessi betg pli il museum. RTR, Carlo Albin

3 / 3

Legenda: Ivo Frei, il president da l'Associaziun da fauturs Museum Regiunal Surselva. mad

Ils 34'000 francs che l'associaziun da fauturs dal Museum Regiunal Surselva ha pudì surdar al museum l'onn passà, sa cumponan tenor il president da l'associaziun, Ivo Frei, per gronda part (circa 80%) da las contribuziuns annualas da las radund 440 commembras e commembers. Quai è in dals megliers resultats dals davos onns. In resultat che correspunda ca. a quai che l'associaziun da fauturs po surdar en media mintga onn al museum.

audio

Saira: Museum Regiunal Surselva dovra ils fauturs e las fauturas

02:37 min, ord Actualitad dals 18.05.2018.

laschar ir. Durada: 2 minutas 37 Secundas.

Bunamain in milliun francs en 30 onns

En ils 30 onns che l'associaziun exista uss, ha il museum pia survegnì ina summa totala da passa 900'000 francs da las fauturas e fauturs. In impurtant sustegn per cuvrir ils custs da gestiun. Tenor il president dal cussegl da fundaziun dal Museum Regiunal Surselva, Leo Cathomas, è la cumpart da l'associaziun tar ca. 15% enfin 20% dals custs da gestiun totals per onn.

RR actualitad 17:00