Il president da l'uniun musical Surselva, Daniel Blumenthal, na vegn betg en panica, sch'el patratga che la vendita da bigliets n'è fin uss betg ida tenor giavisch. I saja la tendenza che la glieud empostia ils bigliets pir la davosa minuta, manegia el. Gia tar l'ultim musical hajan els vendì ils bigliets pir l'ultim mument.
Nus sperain fermamain che nus vegnin d'occupar 80% da tuttas producziuns.
80% è la cifra magica ord vista dals organisaturs. Tants bigliets stoppian vegnir vendids per ch'il musical rendia e ch'i dettia nagin deficit, di Daniel Blumenthal. Els hajan bain ina garanzia da deficit dal chantun, dentant speria el ch'els na dovrian betg quella.
RR actualitad 12:00