Suenter mo in mez onn preparaziun han ils giuvenils preschentà il musical «en 80 dis enturn il mund» sin in aut livel per giugaders laics. Il chant, il saut, la musica ed era la tecnica ha persvadì ed er il public è stà fascinà.
En tut han circa 3'100 persunas visità il musical. Per curclar tut ils custs dal musical avessi duvrà 3'600 visitaders. Ussa ston ils organisaturs far diever da la garanzia da deficit dal chantun.
Avegnir intschert
Schebain i vegn a dar in ulteriur musical a Vella è il mument anc intschert. Per la giuventetgna che vul ina giada giugar en in musical èsi da sperar che quella pussaivladad resta er en l'avegnir.
RR actualitad 11:00