Siglir tar il cuntegn
Inhalt

Surselva Mustér: Accident tranter töff ed auto

Sonda a bun'ura è in töffist collidà cun in auto tranter Mustér e Sumvitg.

Accident.
Legenda: A Mustér collidescha in töff cun in auto. Keystone

Sin viadi da Mustér en direcziun da Sumvitg ha ina automobilista vulì ir sin in parcadi da datiers da la Punt Russein. Durant ch'ella ha manà giu ses auto, ha in töffist surpassà la colonna dad autos spetgants ed è collidà cun la porta da la manischunza.

Il töffist è sa blessà mezgrev. La Rega ha sgulà el en l'Ospital chantunal a Cuira. L'automobilista e dus passagiers n'èn betg sa blessads. Tant l'auto sco er il töff èn vegnids donnegiads considerablamain, scriva la Polizia chantunala.