Mustér saja in bun lieu per hotels, surtut en il sectur da 4 stailas, perquai ch’i manchia pernottaziuns. Quai ha il schef da la Immo Invest Partenaris SA Frenk Djordic ditg ad RTR. Il nov hotel saja dentant era ina schanza per l’entira regiun.
-
audioBunura: Acla da Fontauna daventa hotel da 4 stailas02:27 min, ord Actualitad dals 13.01.2018.laschar ir. Durada: 2 minutas 27 Secundas. -
audioAcla da Fontauna – reacziuns da la populaziun02:56 min, ord Actualitad dals 15.01.2018.laschar ir. Durada: 2 minutas 56 Secundas.
150 plazzas
Ina firma da Zug, la HRMP SA, maina il nov hotel. Il president dal cussegl d’administraziun da la HRMP SA Guglielmo Brentel vesa in potenzial a Mustér. La cundiziun saja dentant che tuts collavurian: il Center da sport e cultura, las pendicularas ed era la populaziun.
Renovar il Center da sport e cultura
En connex cun quest project vul la vischnanca da Mustér renovar il Center da sport e cultura (CSC). Sco il president communal Robert Cajacob di, sajan las investiziuns en in hotel nov ina schanza per in meglier futur. Ed el spera che la populaziun sustegnia era il project dal CSC.
Dapi 2001 è quest anteriur «hotel dals Beltgs» vits. Perquai ch'el cuntegn bler asbest e PCB sto el vegnir spazzà.
Avert 2020/21
Proximamain vulan ils investiders inoltrar la dumonda da bajegiar. Anc quest onn vulan els spazzar il bajetg. Sche tut va tenor plan, pudess ins cumenzar a bajegiar la primavaira 2019. Avrir pudess l'hotel nov lura la stagiun 2020/21.
Ord l'archiv
-
audioMezdi: Nova speranza per il Hotel Acla da Fontauna a Mustér00:45 min, ord Actualitad dals 14.09.2017.laschar ir. Durada: 45 Secundas.
-
audio26-02-2015 Actualitad bunura - dumonda da bajegiar per Acla da Fontauna02:40 min, ord RTR Audio dals 31.01.2017.laschar ir. Durada: 2 minutas 40 Secundas. -
audio12-05-2010 Acla da Fontauna - ha il project retard?03:36 min, ord RTR Audio dals 31.01.2017.laschar ir. Durada: 3 minutas 36 Secundas.
RR actualitad 08:00