Bun 15 uniuns da Mustér e conturn fan part da l’acziun. La fotografa Alexandra Coray-Guldimann e ses team han fatg tranter 500 e 600 fotografias.
Plaschair da l'acziun
L’acziun da far uschia in cudesch per collecziunar pitschens maletgs da las commembras e commembers saja d'ina vart reclama per il club da budo. Da l’autra vart hajan uffants ed era ils creschids plaschair d'esser part d'ina tala acziun, di il president dal Club da Budo Mustér Martin Bundi.
250'000 purtretins
I dat 1'500 cudeschets e ca. 250‘000 purtretins. Il cudeschet vegn preschentà il matg. Il project custia 25‘000 francs e perquai haja quai duvrà curaschi da far part, di Fredy Caminada. Mo cun agid dad interpresas indigenas possian els realisar il project. Plinavant saja quai era in engraziament a las uniuns che sustegnian adina puspè il Spar.
