Surselva - Mustér approvescha il preventiv 2015 - en il segund chatsch
A Mustér ha il cussegl da vischnanca approvà il preventiv 2015 surlavurà. Il november n'aveva il cussegl communal betg acceptà il preventiv e pretendì mesiras da spargn.
Il nov preventiv quinta ussa cun in cashflow da passa 700'000 francs. Plinavant èn prevedidas investiziuns bruttas da 4,5 milliuns francs en spezial per sanar la via Son Gions, il sutpassadi Chischliun-Scaletta e la punt e renatiralisaziun dal Rain a Fontanivas.
Ultra da quai ha il cussegl da vischnanca era concedì 250'000 francs per investiziuns en il Center da sport e cultura.
