Mustér: «Art creativ» sco lieu per s’entupar

Il pictur-artist da Mustér Linus Flepp avra ina galaria d’art. Ella sa numna «Art creativ» e sa preschenta sco exposiziun permanenta per artists da la regiun.

Cumbat tranter religiun e guerras

Il num «Art creativ» haja el tschernì perquai che quel haja era da far cun persunas che creeschan bleras ovras en il zuppà, saja quai ovras da lain, da metal ubain da palpiri. Intgins artists han gia exponì lur ovras. Era Linus Flepp ha prendì cun el maletgs cura ch’el ha endrizzà il local. In maletg sa numna: La pietà. Quai saja in maletg critic, sco el declera. Ins vesia la mamma cun l’uffant, dad ina vart l’uvestg, da l’autra in schuldà. I saja il cumbat tranter religiun e guerras.

Dar vita cun la galaria «Art creativ»

Il plaschair da malegiar haja el dapi sia uffanza; e quel saja restà. En «Art creativ» na veglia el dentant betg malegiar, qua fetschia el plitost mo caricaturas ubain illustraziuns. Ses atelier saja si Segnas. En il local actual saja el vegnì perquai ch’ils possessurs da la chasa hajan fatg amogna el. L’idea è da puspè dar vita a quel suenter che ina fatschenta da sport è ida en in auter lieu.

RR actualitad 07:00