Las duas persunas eran londervi da demontar en la halla polivalenta la decoraziun da tschaiver. Ellas eran sin la plattafurma la pli auta d'ina puntanada rullanta. Cunquai che la decoraziun dal palantschieu sura era fermada vid differents puncts, han ins stuì spustar la puntanada.
Cun spustar la puntanada rullanta è quella vegnida instabila ed è cupitgada. Las duas persunas èn crudadas ord ina autezza da set meters sin il palantschieu, sco la polizia chantunala scriva. Cun blessuras mez-grevas ha la Rega sgulà ina da las persunas en l’Ospital chantunal a Cuira.
RTR novitads 16:00