Siglir tar il cuntegn

Header

Navigaziun

Purtret dal Center da sport a cultura a Mustér.
Legenda: La votaziun davart la sanaziun dal Center da sport e cultura a Mustér s'entardescha. RTR, Gion Hosang
cuntegn

Surselva Mustér: Center da sport e cultura dovra dapli temp

La votaziun dal pievel, la saira d'infurmaziun e la dumonda da credit al cussegl communal fixads, vegnan abolids per avair dapli temp da preparar la fatschenta.

Sco quai ch'il cussegl communal scriva, saja il project cun las calculaziuns dals custs per la sanaziun dal center preparà. La cumissiun da bajegiar saja vid la concepziun turistica. La coordinaziun cun la destinaziun turistica Mustér/Sedrun, cun novs gronds investiders en la sparta turistica, cun la regiun Surselva e cun l'Uffizi per economia e turissem dal Grischun dovria dentant anc dapli temp. Uschia è vegnì infurmà a la seduta dal cussegl communal.

Approvà trais credits

Il cussegl communal da Mustér ha approvà ier saira 3 differents credits per projects d'aua e chanalisaziun per total 470'000francs.

  • 165'000 francs credit brut per la separaziun d'aua Clavaniev
  • 165'000 francs credit net per la nova chanalisaziun Latis – chasa da scola
  • 143'000 francs credit net per la nov chanalisaziun zona da mastergn Pignola 2

Plinavant ha il cussegl communal approvà cun 13 cunter 1 vusch la revisiun parziala da la lescha d'agricultura ed il regulativ da taxas tar la lescha. Il Cussegl communal ha vinavant decidì da suttametter la lescha d'agricultura al referendum facultativ.

RR novitads 10:00