Siglir tar il cuntegn

Header

Legenda: Andri Hendry cun il cudesch da protocols da 1820 – 1870 ed ils protocols actuals RTR, Hubert Giger
cuntegn

Mustér Che nagin na possia crititgar e dar la bucca!

Avant 200 onns, il mars 1821, ha il scrivant cumenzà a scriver protocols da vischnanca a Mustér. Quels sa differenzieschan bravamain dals protocols da 2021.

audio
A Mustér han ins cumenzà avant 200 onns cun protocols da sesidas
03:34 min, Actualitad dals 06.09.2021.
laschar ir. Durada: 03:34 minutas.

In tema che vegn adina puspè tractà en ils emprims protocols è la relaziun cun la claustra:

Otz ha la vischnaunca era renovau l’incumbenza agli Obrigkeit ed alla Comissiun ch’ei stada legida ora schon vivon per regular las questiuns vertentas denter la Claustra e la vischnaunca sco era con autras vischnauncas ch’an funs sin nossa vischnaunca.
Autur: Scarvon da 1821
Legenda: Il protocol da 1821 ed il protocol da 2015. RTR, Hubert Giger

Ozendi saja era la dumonda da taglia reglada cleramain, sco il chanzlist da la vischnanca da Mustér Andri Hendry di. Paders e fraters pajan taglia, ma sco instituziun saja la claustra deliberada da la taglia. Quai saja reglà en la lescha chantunala. Plinavant saja era il funs respectiv diever da pastgiras reglà.

La relaziun cun la claustra è plitost da muntada culturala ed ecclesiastica e main cun bains u guauds.
Autur: Andri Hendry Chanzlist da la vischnanca da Mustér

Ils protocols da 1821 cumenzan cun la decisiuns ch’ils bovs stoppian avair ina tscherta qualitad. Quai – decider da la qualitad da la biestga – na saja betg chaussa communala, mabain chaussa da l’Uffizi chantunal da veterinari. In auter exempel che mussa ch’igl è reglà auter ozendi è l’obligaziun e la paja dal caluster, citat:

Pli ei faitg ch’il Caluster deigi stuer far il Vacht la noitg enta vig e s. Gions, e deigien era haveer ilg elg pils vischinadis dentuorn. Ed ei fixau che la vischnaunca bonificheschi als Calusters per quei 4 thalers.
Autur: Scrivant da 1821

 Il caluster vegnia indemnisà ozendi da la plaiv, di Andri Hendry. 

Differenzas datti era tranter il linguatg en ils protocols da 2021 e da 1821. Ils protocols ston esser chapaivels ed evitar pleds tudestgs.

Numnadameing che la vischnaunca detti ad els il Vollmacht de hanligiar en quels graus suenter lur bein manigiar, gie de tractar de quellas varts con la buna ner con la malla, e quei ch’ei fetschian seigi bein faitg senza esser suttapost alla’ aprobaziun della vischnaunca. Era che nagin possi de quellas varts critisar e dar la bucca, croda ora sco ei vegli.
Autur: Scarvon da 1821

Ma i dat era da quai ch’i deva 1821 ed è restà fin al di dad oz. Per exempel las cumissiun ubain la lavur cumina en la vischnanca da Mustér.

RTR actualitad 11:00

Artitgels legids il pli savens

Scrollar a sanestra Scrollar a dretga