Cun quella revisiun parziala è il fundament legal per la realisaziun d’insaquants gronds projects vegnì stgaffì – projects impurtants per il futur da Mustér : Uschia per exempel il nov resort da vacanzas Catrina per 90 milliuns francs previs sper la staziun a val da las pendicularas, l’engrondiment dal Hotel Disentiserhof cun in ulteriur hotel da cura per 20 enfin 30 milliuns francs sco era ina nova part da la zona da mastergn Pignola ed ils indrizs d’ennavar en il territori da skis da Mustér/Caischavedra.
Nov schlantsch per Mustér
Ils projects planisads pudessan procurar per nov schlantsch en la vischnanca, oravant tut al turissem. Ils ultims onns è il dumber da letgs chauds numnadamain sa reducids marcantamain a Mustér. Plirs hotels han serrà lur portas.
RR novitads 12:00