Siglir tar il cuntegn

Surselva Mustér: concurrenza da pizzaioli

Ils 22 e 23 da november sa mesiran var 100 pizzaioli en 9 categorias a Mustér.

Legende: Audio Bunura: Mustér – concurrenza da pizzaioli abspielen. Laufzeit 2:54 Minuten.
2:54 min, Actualitad dals 21.11.2016.

Entras il pizzaiolo talian da la pizzaria dal Catrina Resort, Claudio Vicanò, è il Pizza Master Cup quest onn a Mustér. Organisada vegn la concurrenza da l’Unione Pizzaioli Tradizionali e Ristoratori. Tenor il president da l’uniun, Mario Folliero, vul ins uschia era promover en Svizra la professiun dil pizzaiolo.

La finamira principala dall’uniun è numnadamain da scolar pizzaioli ed ustiers. Per l’ina per mantegnir in'auta qualitad e per l’autra era per proteger ils consuments, declera Mario Folliero. La finala lavuria il pizzaiolo cun victualias che vegnan mangiadas.

Aspectaturs èn giavischads

Ils pizzaioli sa mesiran en nov categorias. I sa tracta da las categorias Margherita, Calzone, Pizza No Glut, Pizza Fritta, Sapori del Nord, Pizza Dessert, Pizza Innovativa, Pizza in Teglia e Spaghetto d'Oro. En la giuria èn duas persunas che giuditgeschan co che las pizzas vegnan fatgas e co ch'ellas gustan. La concurrenza è publica.

Sco Mario Folliero ha ditg ad RTR possia mintgin vegnir a guardar co che las pizzas vegnan fatgas. Per ils participants saja quai bun sch’igl haja public. Quai animeschia da far ina buna prestaziun. Il mardi vegn fatg pizzas per in e scadin che ha tschaffan da mirar tier ils pizzaiolis e quai dallas 13.00 fin las 18.00, la mesemna las 10.00 fin las 17.00 è lura la concurrenza. La rangaziun vegn fatga las 18.00.