Siglir tar il cuntegn

Header

cuntegn

Surselva Mustér: Dapli temp per elavurar concept turistic

Planisà era da votar sur da la sanaziun dal center da sport a cultura a Mustér ils 19 da matg. Il termin è uss però vegnì spustà sin in termin betg definì. La raschun è ch’i dovra anc il concept turistic.

Il center da sport e cultura a Mustér duai vegnir sanà ils proxims onns. Il concept oriund era vegnì preschentà il schaner 2018. Lura aveva il cussegl da vischnanca intervegnì e pretendì da la suprastanza da surlavurar il concept. Quai han ils reponsabels fatg e preschentà ils resultats il schaner da quest onn.

audio
Bunura: Center da sport e cultura Mustér drova dapli temp
ord Actualitad dals 02.04.2019. Maletg: RTR, Gionduri Maissen
laschar ir. Durada: 2 minutas 23 Secundas.

Concept turistic vul dir: coordinar

Per pudair preschentar in project madir dovra la cumissiun center da sport e cultura anc dapli temp. Ord quest motiv ha la suprastanza spustà tut ils termins communitgads il schaner. Il punct essenzial è uss da coordinar l’entir concept cun las vischnancas vischinas.

Betg finanziar – ma sustegnair

Las vischnancas vischinas na stoppian betg gidar a finanziar il project, di Clemens Berther, president da la cumissiun center da sport e suprastant da la vischnanca da Mustér. Ma i dovria il sustegn e la coordinaziun per ch’i na vegnia betg construì purschidas dublas. Perquai stoppia vegnir coordinà tant cun ils vischins sco era cun ils investiders turistics en la regiun e la finala era cun l’entira regiun Surselva.

RR actualitad 07:00

Artitgels legids il pli savens