Siglir tar il cuntegn

Header

cuntegn

Surselva Mustér: Deponì stgazi per generaziuns futuras

Sin ils clutgers da la claustra da Mustér èn las ruclas puspè vegnidas montadas. En l’intern infurmaziuns per generaziuns futuras.

audio
Saira: La culla vegn puspè montada sin il clutger da la claustra da Mustér
ord Actualitad dals 13.10.2016.
laschar ir. Durada: 2 minutas 35 Secundas.

Las ruclas sisum ils clutgers da la claustra da Mustér han in diameter da var in meter. Ellas èn vegnidas restauradas e surdoradas da nov cun aur da rodund 24 carats. Ussa èn ellas puspè vegnidas montadas ed en lur intern èn mintgamai vegnids mess cilinders d’arom cun documents. Tranter auter texts scrits a maun da l’avat Vigeli, da l’architect, la restauratura ed era da lavurers. Latiers vegnan era gasettas localas e naziunalas, munaidas e bancnotas. Tut quai duai gidar generaziuns futuras da far in purtret davart la vita actuala e las lavurs da restauraziun vid la claustra.

Il lieu ideal per il stgazi

Tenor la restauratura, Sylvia Fontana eran las ruclas da las turs lieus ideals per deponer il stgazi da la baselgia u da la claustra. Las ruclas èn uschè aut sin las turs baselgia che nagin las po engular. Era tar in fieu va quai pli ditg fin che la rucla daventa l’unfrenda dal fieu. Perquai vegniva mess en las ruclas savens documents impurtants, cudeschs (ch’eran pli baud prezius) dentant era aur u autras chaussas custaivlas.

Nagin stgazi

La primavaira cura che las duas ruclas èn vegnidas demontadas per restaurar ellas eran ins perquai plain tensiun tge che vegn ord quellas, declera Sylvia Fontana. Deplorablamain saja lura vegnì be ord ina rucla in’aissa cun si ils nums dals paders ch'han fatg l’ultima restauraziun.

RR actualitad 17:00

Artitgels legids il pli savens