Per renovar e sanar il center da sport e cultura a Mustér, vegni creà in deposit dad 1,2 milliuns francs. Quai ha il cussegl communal decis venderdi saira, per prefinanziar il project da passa 10 milliuns francs. Quai scriva la vischnanca en ina communicaziun da pressa. Sche tut va tenor plan duai la sanaziun dal center Fontauna, che vegn realisada en etappas, esser a fin la fin dal 2024.
Il cussegl communal da Mustér ha plinavant approvà il quint annual dal 2021. Quel serra cun in gudogn da 159'135 francs.