A Mustér han ins chattà mesemna saira tard ina persuna dementa ch'era sparida. Suenter che la Polizia chantunala ha survegnì l'annunzia d'ina persuna sparida, enturn las 19:00, hai dà ina gronda acziun da retschertga cun agid da gidanters, da chauns e d'in helicopter, scriva la Polizia chantunala.
Curt avant las 23:00 hajan ins lura chattà la bara da la dunna da 77 onns en il territori da Brulf. Uss sclerescha la polizia, ensemen cun la procura publica, tge ch'è capità.