Sco il cumandant dals pumpiers da Sursassiala Gion Tenner ha confermà, saja la situaziun stada precara in temp. Il quantum da fain saja stà immens e las temperaturas en il ladritsch hajan quasi surpassà ils 80 grads. Cun l’agir svelt da tut ils participads saja la situaziun dentant adina stada sut controlla. Il mument vegnan ils rodund 900 meters cubics fain rumidas ord il ladritsch, quai che muntia rodund 80 chargias fain. Il motiv per las temperaturas autas saja probabel ina ventilaziun defecta stada. Il pur haja percurschì quai la proxima damaun.
Rasar ora il fain per pudair nizzegiar el
Ils pumpiers e plirs gidanters, surtut era puras e purs, èn il mument vid rasar il fain sin ils prads vischins da la Salaplauna. Il fain po probabel vegnir duvrà vinavant, perquai che aua n’haja betg stuì vegnir sprizzada. Il fain perdia dentant considerablamain qualitad.