Siglir tar il cuntegn

Header

cuntegn

Surselva Mustér fa festa naziunala ils 2 d'avust

Mustér aveva spustà il termin da la festa naziunala pervia dal Donnschtig-Jass.

Ina premiera festivescha Mustér cun la festa naziunala. Il vitg en Surselva ha planisà da festivar pir ils 2 d'avust. Raschun é il Donnschtig-Jass, di Robert Cajacob, il president communal da Mustér. La vischnanca aveva quintà da pudair manar tras il Donnschtig-Jass da proxima gievgia. Perquai che Savognin ha dentant gudagnà la concurrenza n'è quai betg il cas. Da midar la data da gievgia sin mesemna fiss dentant stà a fitg curta vista. Perquai è la vischnanca sa decidida da salvar quella data.

audio
Saira: Mustér fa festa dal 1. d'avust pir ils 2 d'avust
ord Actualitad dals 31.07.2018.
laschar ir. Durada: 1 minuta 55 Secundas.

La vischnanca da Mustér spetga inqual vischin da la Surselva e sch'i va bain lura pudess la festa naziunala er proxim onn puspè avair lieu ils 2 d'avust. Quai perquai che lezza data croda proxim onn sin in venderdi.

RR actualitad 17:00

Artitgels legids il pli savens