Siglir tar il cuntegn

Surselva Mustér ha ditg na malgrà il profit

Las investiziuns per la scola chantunala a Cuira han in effect sin la pauschala d'investiziun che las scolas medias privatas survegnan dal chantun.

Tavla cun il logo da la scola claustrala da Mustér
Legenda: Cun il "gea" per la nova mensa e mediateca da la scola chantunala survegn era la scola claustrala da Mustér dapli daners. RTR

Sco quai ch’il Cussegl grond ha decidì èn las investiziun per la sanaziun da la scola chantunala a Cuira la basa per la calculaziun da las pauschalas d’investiziun ch’il chantun paja per scolar ed onn a las scolas medias privatas.

En concordanza cun il gimnasi avain nus desistì da daventar activ
Autur: Francestg CajacobPresident communal Mustér

In fatg ch’è probabel betg stà conscients a tut las votantas ed ils votants, manegia il president communal da Mustér, Francestg Cajacob. «En concordanza cun il gimnasi da la claustra da Mustér han ins desistì da daventar activ per far attent sin quest fatg.»

Fauss mecanissem

Il rectur da la scola claustrala, Bruno Hensler, n’è era betg persvas da quest mecanissem. Tenor el stuessi quel funcziunar il cuntrari sch’il chantun veglia rinforzar las regiuns. L’idea da far dependent las indemnisaziuns a la regiun da l’autezza d’investiziun en il center na saja betg la dretga via. Perquai è Hensler n’era betg surstà ch’i ha dà vischnancas che han ditg na.