Siglir tar il cuntegn

Header

cuntegn

Surselva Mustér – Il bajetg da l'anteriura stampa ha midà maun

La Somedia ha vendì il bajetg da l'anteriura Stampa Romontscha a Mustér a la Casatec SA.

L'edifizi da l'anteriura Stampa Romontscha sut la staziun a Mustér ha midà maun. Quai rapporta l'Agentura da Novitads Rumantscha (ANR). La Somedia ha vendì il bajetg a l'interpresa d'installaziuns sanitaras e stgaudaments Casatec SA. L'edifizi vegn a servir a l'interpresa sco spazi da fatschenta. La Casatec vuleva atgnamain realisar in edifizi da fatschenta en la zona da mastergn e d'industria Pignola/Marias. Perquai che la regenza dal chantun n'ha betg approvà l'engrondiment da questa zona, ha la Casatec stuvì tschertgar in'autra soluziun.

L'edifizi da l'anteriura Stampa Romontscha è vegnì construì l'onn 1988 da la Condrau SA ed è dapi il 1994 en possess da la Somedia. Fin avant paucs onns ha la chasa servì a la Somedia sco manaschi da stampa ed elavuraziun da products da print. Successivamain èn quellas partiziuns dentant vegnidas serradas.

RR novitads 07:00

Artitgels legids il pli savens