Heinrich Berther è mort en la vegliadetgna da 65 onns, tenor la FMR en consequenza d'ina greva malsogna.
Blers onns ha Heinrich Berther manà sco impressari ina gronda interpresa da construcziun. El ha dentant era represchentà il cumin da la Cadi durant 18 onns en il Cussegl grond – sco deputà da la PCD.
Vitiers è Heinrich Berther stà l'emprim president da la Pro Idioms Surselva.
