Siglir tar il cuntegn

Header

cuntegn

Surselva Mustér: La Anavon Ski SA è stada sut squitsch a l’entschatta

Avant in onn ha la successura dal Zai cumenzà. Mo perquai che la stagiun d’enviern saja stada vargada, n'hajan els betg pudì empruvar ils skis novs, di Simon Jacomet che maina la manufactura da la Anavon Ski SA.

Els sajan in pitschen team da trais persunas. La filosofia saja che mintgin sappia far la lavur da l’auter, di Simon Jacomet. Fin uss ha Anavon Ski producì tranter 350 e 400 pèra skis. Il pli char custa 2'000 francs (Zai: ca. 10’000 francs). La finamira da la Anavon Ski è stada da reducir ils pretschs e dad esser mo pauc sur ils pretschs dals products da massa.

audio
Bunura: Anavon Ski SA – Bilantscha suenter in onn
ord Actualitad dals 04.04.2019.
laschar ir. Durada: 2 minutas 22 Secundas.

Betg in grond problem

Zai ha decidì l’atun 2017 da serrar la manufactura a Mustér. Avant 15 onns aveva Jacomet fundà questa firma. El profiteschia anc adina da las experientschas. La glieud dumondia mintgatant, sch’el n'haja betg difficultads da serrar giu cun quai. Ma sco el di na saja quai betg stà in grond problem per el: «Jau sun schon era ì atras tschertas emoziuns, ma jau sun plitost era quel che mira en il mument; ed ord il mument patratg jau en il futur».

RR actualitad 07:00

Artitgels legids il pli savens