Siglir tar il cuntegn

Header

cuntegn

Surselva Mustér: La dretgira nauscha ha pendì il celibat

Ils derschaders n'han betg chapì ch’ils plevons na dastgan betg maridar. Els na possian betg midar questas leschas u far novas. Ma els possian sentenziar a la mort quellas e perquai han els decidì da metter vid la furtga il celibat.

La dretgira nauscha ha fatg allusiun al cas dal plevon da Breil che aveva demissiunà perquai ch’el ha decidì da viver ensemen cun ina dunna. I saja «donn e putgà» ch’in plevon na possia betg avair ina dunna.

audio
Bunura: La dretgira nauscha ha pendì il celibat
ord Actualitad dals 05.03.2019.
laschar ir. Durada: 3 minutas 11 Secundas.
Alura avess ins ina giada in plevon giuven ord noss mez, e suenter sto el trair tut dal tempel en perquai ch’el ha tuppamain chattà l’amur da la vita. Insatge che schai en la natira da l’uman e ch’ins na po betg simplamain tschentar giu cun smatgar in buttun. Ils splerins en il venter na sa tegnan halt betg vid las leschas da la baselgia.
Derschader da tschaiver
Il celibat è vegnì pendì.
Legenda: Il celibat è vegnì pendì. RTR, Hubert Giger

«Disentis gleicht einer Geisterstadt»

La 31avla dretgira nauscha da Mustér ha dentant era prendì sin la corna eveniments da la politica, da la cultura, dal turissem u da quai che schabegia mintga di e surtut in enviern cun massa naiv. Surstads én ils derschaders sa chapescha era stads cura che las medias da la Bassa han rapportà che «Disentis gleicht einer Geisterstadt.»

Il prinzi tschaiver e sia suita.
Legenda: Il prinzi tschaiver e sia suita. RTR, Hubert Giger

Las musicas da tschaiver: Fifferlottas, Bagordas e Vagabunds han embellì la dretgira. Il pled final ha il Prinzi tschaiver gì e cun in ferm «Eviva il tschaiver» ha el stgatschà l’enviern.

RR actualitad 08:00

Artitgels legids il pli savens