Siglir tar il cuntegn

Header

cuntegn

Mustér Nagin plan B suenter il naufragi da la via forestala

Suenter il Na al project per ina nova via forestala tranter la Val Segnas e la Val Sogn Placi, po il guaud il mument be vegnir tgirà minimalmain. Cun il project leva la vischnanca meglierar l'access al guaud.

Per il manader da l’uffizi da guaud dal chantun Grischun èsi però indispensabel che la vischnanca da Mustér sto far accessibel il guaud cun vias forestalas. Il mument possia la vischnanca sulet far ina tgira minimala dal guaud da protecziun.

audio
Reacziun dal amanader d'igl uffizi da guaud Grischun, Urban Maissen
ord Novitads dals 30.11.2020.
laschar ir. Durada: 4 minutas 40 Secundas.

La varianta refusada fissi ord vista forestala stada fitg adattada. Ussa sto la vischnanca da Mustér cumenzar da nov cun l’evaluaziun co ella vul meglierar la tgira da ses guaud.

Critica pervia dals auts custs

Il cussegl da vischnanca aveva anc approvà il credit da 3,9 milliuns francs per il project. Aifer la populaziun è quel però stà dispitaivel, cunquai che la via nova fiss vegnida fitg da strusch a la zona da tschiffadas d'aua. Er ils auts custs totals da 23 milliuns francs sur 25 onns èn vegnids crititgads.

Il suveran da Mustér ha refusà il project a l'urna cun 57% da las vuschs.

RTR actualitad 17:00

Artitgels legids il pli savens