1979 è il tetg cun schlondas da stgain vegnì renovà l’ultima giada. Uss sto el vegnir sanà perquai ch’il lain ha survegnì rusnas e l’aua vegn en baselgia.
286'000 francs
Sco Aldo Tuor, il president da la plaiv da s. Gions a Mustér di, pretendia era la Tgira da monuments da mantegnair quest bajetg ch’exista bunamain dapi 1'000 onns sco quai ch’el era. Il chantun respectiv la Tgira da monuments sustegna quel cun 100’000 francs, la vischnanca da Mustér dat 20’000 francs. Custs totals: 286’000 francs.
Tat ha gia fatg schlondas
Las schlondas ha Patrick Stäger da Vaz-Sut fatg. Ses tat, il Lorenz Krättli, ha gì fatg il tetg cun stgain, el dovria laresch.
Il pli impurtant è d’avair il dretg lain per far schlondas.
Schlondas stadas scumandadas in temp
Tenor l’architect Michelle Wasella èn tetgs da schlondas stads scumandads in temp, perquai che plirs tetgs sajan brischads. Ils onns da 1980 e 1990 haja la polizia da fieu puspè lubì quels. E plaschair da quest material ha l’architect era perquai che las schlondas traglischian cun ils onns en grisch.
Las lavurs per renovar il tetg da la baselgia da Sontga Gada han cumenzà il matg e cuzzan fin il settember.