Mustér: Post da cussegliaziun per seniors

La vischnanca da Mustér vul cumplettar la purschida da Seniora-Ca. Nov è ch’i dat la pussaivladad da sa laschar cussegliar en il Center da sanadad Puntreis.

Curdin Casaulta, Cecilia Maissen, Diego Deplazes (da sen. Bild in Lightbox öffnen.

Legenda da maletgs: Curdin Casaulta, Cecilia Maissen, Diego Deplazes (da sen.) RTR, H. Giger

Agid per persunas che n'èn betg uschè moviblas

Senioras e seniors hajan giavischà questa purschida. Ed i saja surtut in agid per persunas che na sajan uschè moviblas e che stoppian ir a Glion tar la Pro Senectute. Quai ha Cecilia Maissen dal departament da sanadad da la vischnanca da Mustér ditg ad in'infurmaziun per las medias.

Pro Senectute a Mustér

A partir dals 19 da schaner 2017 è la Pro Senectute preschenta ina giada al mais cun pled e cussegl en il Center da sanadad Puntreis. In emprim contact cun s’infurmar e s’orientar pon ils seniors gia avair en Puntreis, in biro è avert là tschintg dis l’emna.

Las spartas principalas da la cussegliaziun èn:

  • Cussegliaziun generala gratuita e discreta per seniors e per parents.
  • Sustegn per seniors en difficultads finanzialas.
  • Intermediaziun da servetschs per in viver autonom ed independent en l’atgna chasa fin en l’auta vegliadetgna.

Finanzas ed abitar

Sco Curdin Casaulta da la Pro Senectute di, datti surtut duas dumondas che fatschentan persunas attempadas: Survegn ina persuna attempada ina renta supplementara, e con ditg pon ins abitar en l’atgna chasa ubain abitaziun e tge furmas d'agid datti.

RR actualitad 17:00