Plinavant ha la regenza dà glisch verda per construir rempars en la Val d’Acletta a Mustér. Ils custs totals dal project muntan a radund 1,73 milliuns francs. A la finanziaziun sa participeschan era chantun e Confederaziun sin basa da la cunvegna davart stabiliments per la protecziun d'aua. Il chantun surpiglia 346'000 francs. E cunquai ch'ils cundrizs protegian era la via da l'Alpsu, la via dal Lucmagn e la via d'Acletta, sustegna il chantun quai cun ulteriurs 155'700 francs or dal budget da la construcziun da vias.
L'october 2020 aveva in ferm urizi chaschunà aua gronda en la val. Tras quai eran parts dals rempars da l'aual vegnidas donnegiadas. Per pudair garantir la protecziun cunter aua gronda er en l'avegnir, ha la vischnanca da Mustér decis da restaurar ils objects da construcziun donnegiads.
Ils rempars eran vegnids construids avant radund 5 onns.
