Siglir tar il cuntegn

Header

Navigaziun

cuntegn

Surselva Mustér: Via da guaud Brulf a Fontanivas vegn renovada

En l'avegnir duain era camiuns pudair charrar sin la via da guaud «Punt da Brulf – Fontanivas» sin territori da la vischnanca da Mustér. La regenza grischuna ha approvà il project e concedì ina contribuziun maximala da bun 723'000 francs.

Purtret da surengiu da la regiun, la via pertutgada è nudada cun stritgs mellens.
Legenda: MAD, Uffizi federal da topografia

Pertutgà è in traject da 856 meters lunghezza. Il project cumenza tar la via chantunala da Cavardiras, suenter la Punt da Brulf. La via suonda il Rain anteriur e finescha tar la nova punt Fontanivas. Per ch'ils camiuns pon charrar, vegn la via schlargiada sin 3,3 meters ed i dat ina cuvrida da sablun grop. Sin questa via duain lura vegnir transportads mintg'onn var 1'000 meters cubic laina.

RR novitads 12:00