L’um da 95 onns oriund da Domat ha abità ils ultims onns a Mustér nua ch’el possedeva ina abitaziun da vacanzas. Ils ultims onns è el lura stà en il center da sanadad Puntreis, quai scriva sia famiglia.
Sia vita professiunala ha Victor Willi passentà per gronda part en l’Italia ed el vala sco in dals experts, er critics, da l’istorgia dal Vatican. A partir dal 1958 è el stà correspundent per radio Beromünster e per radio DRS en l'Italia. El ha visità passa 80 pajais danunder ch’el ha rapportà per pliras gasettas.