Siglir tar il cuntegn

Header

cuntegn

Surselva Mustér: «Vid la furtga cun negativissem e negaholics»

La Dretgira nauscha dal tschaiver da Mustér dat la sentenzia da mort a tut quels ch'èn adina encunter tut.

Ils negaholics vesan tut mo negativ e derasan quest il negativ sco la grippa da quest enviern. Els èn encunter ils gieus olimpics, encunter il parc Adula, encunter il far naiv, encunter la pendiculara sin il Cuolm Vi.

Il sughet.
Legenda: Il sughet. RTR / Linus Livers
In pau far encunter è in pau, vid la furtga cun il negativissem e cun ils negaholics.
Autur: Ils derschaders da la dretgira nauscha

Ils derschaders da la dretgira nauscha han proclamà

La dretgira nauscha ha i dà quest onn per la 29avla giada, ella ha mintgamai lieu a Mustér il glindesdis tschaiver. Vid la furtga vegn pendì, tgi ni tge ch'è crudà en egl durant l'onn. Uschia è pli baud vegnida pendida la Posta ni la lescha da bajegiar da Mustér. In onn è perfin vegnì pendì vid la furtga son Pieder.

Quai ha lura gì per consequenza ch’ils derschaders han demissiunà. L’onn suenter èn il derschaders, ch'avevan pendì son Pieder, sez vegnids pendids perquai ch’els avevan fatg nausch cun il son.

In gaudi cabaretistic

La tradiziun da la dretgira nauscha carmala plunas da glieud sin plaz scola da Mustér. Igl è in gaudi cabaretistic nua che tut vegn tratg atras il tscharesch, tenor il motto «sche ti ta vilentas, lura eras ti manegià».

Artitgels legids il pli savens