Siglir tar il cuntegn

Header

audio
Critica envers la via da guaud vegn da las atgnas retschas
Or da Actualitad dals 23.11.2020.
laschar ir. Durada: 04:25 minutas.
cuntegn

Mustér – votaziun via da guaud La critica cunter la via planisada vegn ord atgnas retschas

En in appel a tuttas commembras e commembers da la corporaziun d’aua, Spina da vin, e quai èn tut ils possessurs d’ina abitaziun u ina chasa, scriva la suprastanza ch’els na sajan betg cuntents cun l’argumentaziun da la suprastanza en connex cun la via da guaud planisada. Uschia vegnia sugerì ina segirtad fallada en connex cun las auas en la Val Clavaniev, scriva la corporaziun d’aua. In tal project tras zonas da protecziun possian periclitar la segirtad dal provediment d’aua.

Differents parairis da plirs geologs

Surtut admonescha la corporaziun d’aua ch’ils cunfins da las differentas zonas sajan vegnids definids tras l’Uffizi per l'ambient e betg tras il parairi dal geolog incumbensa dad els. Uschia na dettia quai betg resalvas cunter ils resultats, ma quels na vegnian betg interpretads adina tuttina.

Er la vischnanca conceda ch’els sajan stads fitg precauts ed hajan uschia laschà consultar la situaziun da plirs experts. Quellas mesiraziuns e quels resultats na sajan betg uschè da lunsch in da l’auter, ma tuttina differents, er perquai che las furmlas da mesiraziun sajan sa midads ils ultims onns.

Ma suenter ina consultaziun da geologs era da l’Uffizi d’ambient sajan els persvas che las auas na vegnian betg tangadas, ina garanzia da 100 per 100 na possian ins dentant betg dar, ha ditg il president communal Robert Cajacob. Perquai ch’il project è fitg impurtant per la segirtad, ha la vischnanca sin giavisch da la corporaziun d’aua, stuschà la via per plirs 100 meters ensi, uschia ch’ella na tanghescha betg la zona S2, definida dal chantun, di il president communal.

Per tge vai?

Textbox aufklappenTextbox zuklappen

Las zonas enturn las funtaunas duajan proteger che las funtaunas vegnan contaminadas. Uschia datti la zona 1, gist enturn las funtaunas, qua na pon ins far propi nagut. Lura datti la zona 2 nua che vias e sendas na duajan betg manar tras. E la finala la zona 3 nua che quai ha avunda temp d'intervegnir, en cas d’in accident, avant che l’aua è contaminada u tschuffa.

Corporaziun d’aua na vul betg far politica

Cun la posiziun en il Fegl uffizial Surselva na veglian ins betg far politica, ha sincerà Aluis Flepp il president. Ma tuttina veglian els surpigliar la responsabladad dad infurmar e surtut da proteger las funtaunas, quai saja lur obligaziun. Ed era la vischnanca sincerescha che la corporaziun d’aua fetschia buna lavur en favur da las auas en la vischnanca da Mustér.

RTR actualitad 12:00

Artitgels legids il pli savens

Scrollar a sanestra Scrollar a dretga