Siglir tar il cuntegn

Header

cuntegn

Surselva Na a la punt da Tavanasa

La vischnanca da Breil na duai betg surprender la punt veglia da Tavanasa. Quai han votantas e votants decidì cleramain cun 342 cunter 81 vuschs.

audio
La punt veglia da Tavanasa
ord Novitads dals 14.06.2015.
laschar ir. Durada: 1 minuta 34 Secundas.

En ina votaziun consultativa aveva la suprastanza fatg la dumonda, sche la vischnanca duai surpigliar la punt ed ils custs da mantegnair ella en l’avegnir.

Era a la secunda dumonda datti in cler na cun 314 cunter 106 vuschs. La vischnanca veva offri ina contribuziun pauschala da 15'000 francs ad onn, en cas che terzas persunas (uniuns/organisaziuns) vessan surpriglià la punt.

La punt da veglia da Tavanasa ha dà bler da discutar. Suenter ch’il chantun ha decidi da spazzar ella, èn abitants s’engaschads per mantegnair ella.

Betg surstà

Il president da la vischnanca da Breil, Richard Caduff, n`è betg surstà dal resultat. Suenter questa votaziun na surprendia la vischnanca probabel betg pli la punt.

Era Marlis Caduff da la gruppa d'amitgas ed amitgs da la punt n'è betg surstada dal resultat. La votaziun na saja betg relevanta. Uss emprovian els da fundar in'uniun per mantegnair la punt veglia da Tavanasa.

RR novitads 14:00

Artitgels legids il pli savens