Siglir tar il cuntegn

Header

cuntegn

Surselva Na al Parc Adula periclitescha projects turistics existents

Pervia dal na al Parc Adula è era il project 'Sendas culturalas Parc Adula' periclità, in project per promover il turissem cun sendas da viandar culturalas.

audio
Bunura: Parc Adula - conclusiuns u consequenzas per regiun Surselva
ord Actualitad dals 06.12.2016.
laschar ir. Durada: 2 minutas 30 Secundas.

Il project 'Sendas culturalas Parc Adula' è (u era) in project communabel dal sviluppader regiunal da la Surselva ed il Parc Adula. La finamira dal project è da promover il turissem da viandar cun renovar e promover sendas che mainan dal nord en il sid tras l'anteriur territori dal Parc Adula. En in emprim pass duain las sendas vegnir restauradas e messas en urden. Silsuenter duai vegnir fatg reclama per las sendas cun attracziuns per lung da las sendas. En Val Lumnezia fissan quai p.ex. las baselgias e chapluttas, dentant era spezialitads culinaricas ni istoricas pudessan uschia vegnir promovidas.

3 onns lavur per nagut?

Ils custs totals dal project muntan tenor il sviluppader regiunal Urs Giezendanner a bunamain in milliun francs. Il Parc Adula avess surpiglià 400’000 francs. Tgi che pudess surpigliar la cumpart dal parc sa Urs Giezendanner anc betg. Organisaziuns sco l’Agid Svizzer per la Muntogna ASM ed auters sponsurs sajan gia da la partida. Uss stoppia el mirar cun il chantun co els possian segirar la finanziaziun.

Pitschens projects culturals han in problem

In problem vesa Urs Giezendanner era per pitschens projects culturals che n’hajan betg per finamira principala da promover l’economia. Tals projects n’èn betg chaussa dal sviluppader regiunal, che sto sa concentrar sin projects economics. Il Parc Adula fiss stà in fitg bun partenari per projects culturals. Perquai quinta Urs Giezendanner era cun dapli dumondas per sustegn finanzial 'iniziants da tals projects. Il sulet ch’el possia dentant far en in tal cas saja da dar vinavant adressas e numers da telefon da fundaziuns e potenzials sponsurs.

RR actualitad 07:00

Artitgels legids il pli savens