Auter che las musicas che dastgan anc sunar en gruppas da 15 persunas, han ils cors stuì remetter tuttas activitads. Nagin che sa per quant ditg. Il chant manca gia suenter curt temp.
Betg tuttina sco la primavaira
Da betg savair chantar fatschenta chantaduras e chantadurs. Ins savess pensar che la situaziun da la primavaira saja anc preschenta cura ch'i ha dà l’emprima pausa sfurzada. Ussa è l’atmosfera tut in’autra
La primavaira han ins sco giudì d’avair ina giada ina pausa pli lunga senza obligaziuns. Ussa l'atun, spetgav’ins schon vess da puspè s’entupar e chantar e giudair la cumpagnia
Betg chantar fa mal
Chantar sveglia emoziuns, tar quels che chantan e tar quels che taidlan. Da betg savair chantar sveglia sco era emoziuns, dentant tut autras.
Ins senta ch’i manca insatge. Quai fa mai mintgatant trist, mintgatant maina quai tar gritta ed ina tscherta letargia è er qua. Quai n'èn betg bels sentiments
Chalar n'è nagina opziun
Per mai è quai nagin tema. Jau speresch schon che quai sa calma puspè cun quella corona e ch’ins sa far vinavant cun noss exercizis
Pli vegl ch’ins vegn e pli tgunsch ch’ins schess forsa da chalar. Da l’autra vart cura ch’ins vesa quant bel ch’igl è durant ils exercizis u er las producziuns alura vali la paina da far in pitschen sforz per ir a chantar
Speranza en l’avegnir
Sch’ins fa gugent insatge, alura ston ins guardar enavant e sperar ch’i vegnia meglier. I dovra dentant pazienza ed ins sto far tut il pussaivel da betg laschar dar ensemen ils chors dals vitgs che han uschiglio gia problems da surviver.