Suenter che la radunanza communala ha acceptà la revisiun parziala da la planisaziun locala, n’ha nagin fatg recurs encunter questa decisiun. Quai ha ditg il manader da l’Uffizi da planisaziun chantunal Richard Atzmüller. Uschia èsi pussaivel da tagliar vinavant crappa ord la cava da Garlag.
I dat dentant ina limita per onn, e quella munta a 600 meters cubics crappa ad onn che astga vegnir duvrada. Cun questa decisiun va a fin ina dispita ch’aveva entschet l’onn 2010, e ch’era stada fin al Tribunal federal a Losanna.
RR novitads 15:00