Nagina electricitad - Interrupziuns dal current en Lumnezia e Sursaissa

Pliras regiuns en la Surselva èn stadas glindesdis e mardi senza electricitad. Quai pervia da la ferma naiv, sco la Repower communitgescha. Gist duas giadas haja tutgà radund 250 clients a Tersnaus, Surcasti, Uors e Sogn Martin. La notg da glindesdis sin mardi è il current stà interrut per quatter uras, il mardi lura anc ina giada per in'ura. Ulteriuras interrupziuns hai dà mardi a Sursaissa ed en parts da la Lumnezia Sura. Var milli clients èn stads pertutgads là tenor la Repower.